jæja hlaut nú að koma að því.
Var í raun sjálfur búinn að bíða þessa með eftirvæntingu.
Biðin verður ekki öllu lengri.
Kominn með nóg af afsökunum og átillum.
Nú skal sko tekið til hendinni.
.. eða svo að segja.
Ákvað nefnilega að blogga.
Merkilegt annars hvað hugurinn getur hlaupið með mann í gönur. bara svona varðandi allt og ýmislegt.
En já ég er semsagt í skólanum, einu sinni enn. Er að læra vélstjórn, einu sinni enn. Byrjaður að vinna á Bautanum með, einu sinni enn.
Er bíllaus þessa dagana. Ég hugsaði með mér að fyrst margir gerðu þetta alla sína skólagöngu, þá hlyti ég nú að geta þetta. Hef þó enn ekki tamið mér að nota strætó. Hef líka velt fyrir mér að fljúga á eyrunum eins og Júmbó, en hann er náttúrulega fíll, sem ég er ekki!
Held ég myndi samt ekki nenna því, eða hvað? Ædnó, hef ekki prufað það..
Lífið stefnir annars ekkert uppávið af sjálfu sér, eða það gerir það amk sjaldnast. Maður þarf að hafa fyrir því. Sumir eru allt lífið að átta sig á því. Sumir aftur á móti gera alltaf réttu hlutina og haldast á beinu brautinni. Svo eru það hinir.
Sem beygja af henni. Hópurinn minn. "Svolítið" breiður hópur reyndar. Og oftar en ekki á gráu svæði hvort menn séu að stefna í rétta átt eða ekki.
Hef mikið velt því fyrir mér að kaupa litla hvíta Unoinn minn aftur. Held það sé stemmari í því sko.
Keypti mér mynd um daginn. Málverk. Samt ekki málverk, því þetta er prentun. Prentun á málverki. Fattaru? ok. semsagt upprunalega málverk af Akureyrarbæ 1882 (eftir krist) sem var prentað í tilefni 100 ára afmæli bæjarins 1962. Flott mynd sko. Keypti hana í Frúnni í Hamborg. Mér finnst oft mjög gaman að skoða þar. Sérstaklega þegar ég finn eitthvað sem mig langar í.
takk og sjáumst, litlu hnoðrarnir mínir!
